Ο Κορωνοϊόν - Τη Κορώνας ο Υϊόν - Το επίκαιρο ποντιακό τραγούδι των Χρήστου και Δημήτρη Ακριτίδη με καταγωγή από το Μεσόβουνο Εορδαίας
Ο Κορωνοϊόν - Τη Κορώνας ο Υϊόν
Το επίκαιρο ποντιακό τραγούδι του Χρήστου και Δημήτρη Ακριτίδη
με καταγωγή από το Μεσόβουνο Εορδαίας.
video
Θα χάν’ μας ο κορωνοϊόν, θα χάν’ μας σκύλ’ παιδία
ντο έν΄ αούτο το κακόν, ετσάτεψαμ’ δουλείαν.
Με τ’ ατόν τον κορονοϊόν, τοι γέρτς θα θανατών’νε
και οι τρανοί όλ’ τη κοσμί, συντάξεις θα γλυτών’νε.
Τ’ οσπίτια καρακουντάνε, τ’ ανθρώπ’ς πα φοβερίζ’νε
πατούν ‘ς σον φόβον τ’ ανθρωπί και κάποιοι πλουτίζ’νε.
Τον κόσμον επαλάλωσαν, ‘κ’ εξέρ’ και ντο να ευταέι
φορεί χολόρτια, μουτζουρλούχ, ‘κ’ εξέρ’ και που να πάει.
Ο είνας λέει το κοντόν κι ο άλλος το μακρύν ατ’
τον κόσμον επαλάλωσαν κ’ εκλείδωσαν ‘ς σ’ οσπίτ’ν ατ’.
Ρεφρέν:
Κορωνοϊέ – κορωνοϊέ, ανάθεμασε σκύλ’ υϊέ
να πας χάσε απ’ αδά κέσ’, εσέναν κανείς ‘κι θέλ’τσε.
Στίχοι: Χρήστος Ακριτίδης
Τραγούδι: Χρήστος Ακριτίδης
Λύρα: Δημήτρης Ακριτίδης
www.kozani.tv